विराटनगर २७ असोज
ओमानमा जारी आईसीसी टी–२० विश्वकप एसिया तथा इस्ट एसिया प्यासिफिक छनोटअन्तर्गत नेपाल आज कतारसँग प्रतिस्पर्धा गर्दैछ। खेल अल अमेरतस्थित ओमान क्रिकेट एकेडेमी टर्फ–१ मा बेलुका ८:४५ बजे सुरु हुनेछ। सुपर सिक्सको पहिलो खेलमा नेपालले यूएईलाई १ रनले हराउँदै विजयी सुरुवात गरेको थियो। अपराजित यात्रा कायम राख्ने लक्ष्यसहित नेपाल मैदान उत्रिँदैछ भने पहिलो खेलमा ओमानसँग पराजित कतारलाई जितको खोजी छ। टी–२०आई क्रिकेटमा नेपाल र कतारबीच अहिलेसम्म तीन पटक भेट भएकोमा नेपालले दुई र कतारले एक खेल जितेका छन्।
