लेटाङमा लागू औषधसहित दुई युवक पक्राउ परेका छन्l

१३ मंसिर बिराटनगर

मोरङको लेटाङ नगरपालिका–५ खेरुवा स्थितमा प्रहरीले लागू औषधसहित दुई जनालाई पक्राउ गरेको छ।
मंगलवार राति करिब २२:३० बजे इलाका प्रहरी कार्यालय लेटाङबाट खटिएको टोलीले ना ३ प २६८७ नम्बरको मोटरसाइकल रोकी चेकजाँच गर्ने क्रममा लागू औषध फेला पारेको हो। प्रहरीका अनुसार मोटरसाइकलमा सवार उर्लाबारी नगरपालिका–२ बस्ने २२ वर्षीय सन्दिप धिमालको साथबाट खेरो (हिरोइन) जस्तो देखिने करिब २ ग्राम लिसाईलो पदार्थ फेला परेको थियो। सोही मोटरसाइकलका चालक लेटाङ नगरपालिका–५ का ३१ वर्षीय प्रविन राईलाई पनि साथमै नियन्त्रणमा लिइएको प्रहरीले जनाएको छ। दुवैजनालाई मोटरसाइकलसहित नियन्त्रणमा लिएर इलाका प्रहरी कार्यालय लेटाङमा राखी आवश्यक अनुसन्धान भइरहेको प्रहरीले जानकारी दिएको छ।