काठमाडौं । नेपाली कांग्रेसले समानुपातिक प्रणालीबाट सिफारिस गरेका सांसदहरूमा नेताका परिवार, आफन्त र पटक–पटक मन्त्री भइसकेका व्यक्तिहरूको बाहुल्यता देखिएको छ। तत्कालीन सभापति शेरबहादुर देउवाले निर्वाचन आयोगमा बुझाएको बन्दसूचीअनुसार, वर्तमान सभापति गगन थापा नेतृत्वमा पार्टीले पाएको २० सिटमा परिवारजनको प्रभाव प्रष्ट देखिएको छ। आइतबार बसेको कांग्रेसको कार्यसम्पादन समितिको बैठकले १५ महिला र ५ पुरुषलाई समानुपातिक सूचीमा सिफारिस गरेको छ। आदिवासी जनजाति, खस आर्य, दलित, मधेसी र मुस्लिम क्लस्टर अनुसार सूची तयार गरिएको हो।
विशेषतस् खसआर्य पुरुषतर्फ सिफारिस भएका अर्जुननरसिंह केसी सभापति थापाका ससुरा हुन् र उनी पटक–पटक सांसद तथा मन्त्री भइसकेका छन्। ७८ वर्षीय केसी २०३८ सालदेखि राजनीतिमा सक्रिय छन् र अब समानुपातिक सांसदको रूपमा आलोचित बनेका छन्। मधेसी क्लस्टरबाट सिफारिस भएका डा। चन्द्रमोहन यादव गणतन्त्र नेपालको पहिलो राष्ट्रपति डा। रामवरण यादवका पुत्र हुन् र उनी पनि पूर्वसांसद हुन्। खसआर्य महिलातर्फ सिफारिस भएकी रीना उप्रेती कांग्रेस नेता बलबहादुर केसीकी पत्नी हुन्। मधेसी कोटाबाट सिफारिस भएकी नीनु कर्ण पूर्वउपसभापति विमलेन्द्र निधि की भाञ्जी हुन्।
अन्य नेताहरू पनि पटक–पटक राजनीतिमा सक्रिय भइसकेका र परिवारजनसँग सम्बन्धित हुन्। सामाजिक सञ्जालमा केही भ्रम फैलिएको भए पनि, रुक्मिणी कोइराला र प्रमिला गच्छदारको सम्बन्धवारे गलत तथ्य प्रसारित भएको कांग्रेसले स्पष्ट पारेको छ।
यो सूचीले पार्टीभित्रको पारिवारिक प्रभाव र समानुपातिक प्रणालीको विवादित पक्षलाई पुनः उजागर गरेको छ।
