बिराटनगर
विराटनगर–७, अस्पताल चौकमा २
५ बेड क्षमताको प्राइम अस्पताल आइतबारदेखि नियमित उपचार सेवा सुरु गरिएको छ। स्वास्थ्य क्षेत्रमा करिब २८ वर्षको अनुभव बोकेका युवा उद्यमी सनातन मण्डलले ११ करोड रुपैयाँको लगानीमा अस्पताल सञ्चालनमा ल्याएका हुन्।
उद्घाटन समारोहमा उद्योगी, व्यवसायी, डाक्टर तथा विभिन्न राजनीतिक दलका पदाधिकारीसहित विशिष्ट व्यक्तिहरूको उपस्थिति रहेको थियो। सहभागीहरूले सञ्चालक मण्डल तथा डा. रमेश चौरसिया, डा. रंजिव यादव, डा. अजय महतो, डा. मनिष अग्रवाल र डा. टेकनारायण यादवलाई शुभकामना व्यक्त गरे। डा. रमेश चौरसिया अस्पताल सञ्चालक समितिका अध्यक्ष छन्।
अस्पतालमा सुरुवाती चरणमै १५ जना विशेषज्ञ डाक्टरले एक साथ सेवा सुरु गरेका छन्। ५ तल्ले भवनमा सञ्चालन गरिएको अस्पताल नजिकै ४ कठ्ठा क्षेत्रमा तीनवटा छुट्टाछुट्टै पार्किङ स्थल निर्माण गरिएकाले बिरामी तथा आगन्तुकलाई पार्किङ समस्या नपर्ने अस्पतालका सञ्चालक मण्डलले बताए।
