काठमाण्डाै । इन्डियन प्रिमियर लिग (आईपीएल) २०२६ को अक्शनका लागि ३ सय ५० जना खेलाडीको सूची सार्वजनिक भएको छ ।
भारतीय क्रिकेट कन्ट्रोल बोर्ड (बीसीसीआई) ले सार्वजनिक गरेको सूचीमा २ सय ४० जना भारतीय र १ सय १० जना विदेशी खेलाडी छन् । अक्शनका लागि १ हजार ३ सय ९० खेलाडीले नाम दर्ता गरेकामा ३ सय ५० जना छानिएका हुन् ।
यीमध्ये ४० जना खेलाडीले आफूलाई अधिकतम २ करोड रुपैयाँको आधार मूल्यमा सूचीबद्ध गरेका छन् जसमा वेंकटेश अय्यर र रवि बिश्नोई मात्र दुई भारतीय खेलाडी छन् ।
आईपीएलका ८ वटै फ्रेन्चाइज टोलीले ७७ जना खेलाडी अनुबन्ध गर्न बाँकी छ, त्यसमध्ये ३१ जना विदेशी खेलाडी हुनुपर्नेछ ।
१९औं संस्करणको आईपीएलका लागि यही डिसेम्बर १६ मा संयुक्त अरब इमिरेट्स (यूएई) को अबुधाबीमा अक्शन हुँदैछ ।
